المهم وألبس وأنزل تفحيييييييييييييييييط على الدرج والله ياشكلي مايفرق عن فتون مسلسل الحياله بس الجمال جمال الروح
ويوم وصلت المطبخ وأشم الدخنه قلت الله يهديك ياابوي مخربها حتى وانت قاعد مع عمي وأثاريه البريق اللي حطيته شب واحترق
وأسوي لهم ذاك الشاهي بطعم الباربيكيو اممممممممم شيماأتوقع أحد قد ذاقه وأدرعم للمجلس ومسويه نفسي مستحيه الا أخوي عبيد بوجهي قال فطيمه وشفيتس منهبله قلت أبد سلامتك هذا نيو لوتس قال أقول طسي قلت ليه بسلم على عمي قال طسي فقريح غيري لايشوفتس عمي وتجيه جلطه طالعتن كنتس سانوديشه من حقات شاورمر
تحطمت آمالي وخنقتني العبره بس قلت لاللمخدرات !!!!!!!!!!!!ملها دخل بس من زود الغبنه
قلت والله لعاند أبو كشه اللي لو ينفضها تذكرعلى طول أحداث سبتمبر وأدخل غصب وأرفع الصوت هلا بعمي هلابالغالي وأشوفه قمط وجهه وصارت تعابيره مثل واحد يقول جب العجرا....دريت وقتها اني ماجزت له مع اني نقرت راسه اللي ريحته ابط بعيروأعود لأدراجي.................ركزوا فيها تراها متعوبن عليها عصرت دمجتي لين طلعت
قلت يابنت مالتس نصيب دوري حدا هالخطابات اللي تنقذتس من بيهقة الزمن؟؟؟؟؟؟؟؟؟؟؟؟؟؟؟؟؟لاتدققون
قلت خلني أدق على صديقتي نوير ونوير ذي مرتن فهمها الله بالخير واذا أبيها فسالفه جامده لازم أدق قبلها بثلاث أيام عل وعسى تستوعب مسيكينه منول مهيب تسذا بس طلعت فوجهها قطوتن سوداء مرتن من المرات مما أدى الى مقتل العشرات من أعصاب الاستلام وجرح أكثر من خمسين وصلة تركيز في الشمال الجنوبي من جبهتها وبما ان الوالد مسوي حظر مكالمات على الهاتف حتى لوتبي تدق على الاسعاف تدق دقة وتقطع واذا المطافي مالك الاتقدم معروض والرد بعد المداوله ومن ناحية الجوال ممنوع منعا باتا بالرغم من انهم محفرين له فحارتنا
المهم قررت أنا المدعوه سرقة الهاتف لأني لو بقول لأبوي بيرقص العقال على ظهري
وأتسلل للحوش ولا أبوي ماد كرعانه وفاغرن فاه عند هيفاء وهبي قبل التشفير وألقط الهاتف بحركتن بهلوانيه وأعد ادراجي ...........(مهيب الأوله مرتن ثانيه)
وأصك علي مجلس الحريم وأدق توني مكمله الاربعه الا واسمع رجلين ابوي يم الباب وأطلع القطره من مخباتي وأنقط فعيوني :::أجل تقولين الوالد توفى الله يرحمه وهات يابتسي علشان يدري ان السالفه تسايده ويتغاضى
ويوم قالوا كيدهن عظيم راح أبوي وهو يدعي للرجال <<<<<<<<<<<ايييييييييييييه والله انه رجال طيب توه مصلي معنا البارح والضعيف طقه الهاجوس
وأدق على نوير وترد :الوا قلت نوير الحقيني برقم الخطابه اللي تعرفينها أختس ضاقت بها الحال قالت بفهاوه :مال وشو اللي مال قلت مالت على أمن جابتس بعد ثلاث أيام لين استوعبتي دقي وعاد أنا حرصت الوالده قلت منعا للحصار ترى يااميمتي أنا مواعده نوير وممكن تدق بأ وقت أخاف يرد عليها أبوي ويزحلقها قالت أمي :شنقها منهي حسبي الله عليه قلت لا الظاهر الموضوع وراثه وثالث يوم الا تدق نوير وتعطيني الرقم وأدق على الخطابه من بيت الجيران هالمره ويرد علي هاك المسجل >>>>>>>>اهلا بتس في خطابه ليمتد اذا كنتي بنيتن بقراطيتس وحلوه وموظفه وبنت نعمه فما عليتس الا الضغط على الرقم واحد وحاضرين بالخدمه واذا كنتي مطلقه وعاطله وتبين تنشبين أحدن ببزارينتس فاضغطي الرقم اثنين يمكن أحد يرد ويمكن تنسفهين واذا كنت ارملتنون ورجلتس ماتحمل ثقل دمتس وفلسع فاضغطي الرقم ثلاثه ورددي ياليل ماطولك واذا كنت !!!!!!!!!!!!!!!وسكت شوي غير ذلك فصكي السماعه وطسي باللي مايحفظتس
هوهوهوهو لهالدرجه واله انشكح خاطري أجل أنا وين أروح لابارك الله فيها من خطابه والقط السماعه وارجع أدق وشغالة الجيران تناظرني وتتحمد قلت وش تناظرين وش عليكم ماعانيتوا مثلنا السحور مشتغله عندكم يكفي ان الوحده فيكم تخطط على واحد وثواني الا وهي جنبه فالكوشه وتهز راسها قلت مسويتن مافهمتيني والله شكلتس أندونيسيه تجميع هنود
ويوم مسك الخط الا وأعلق لين ردت الخطابه قلت السلام عليكم قالت انجزي قلت وجع ردي السلام قالت (وعليكم )الله يقطعها من خطابه نفسها خايسه قالت وش مواصفاتس قلت والله شوفي أنا طويله وبيضاء وشعري ناعم قالت بدينا بالنصب قلت أجل وش أقول سوداءوقصيره وشعري بواسطه يتمشط
شوفي يالحبيبه أنا بطق الثلاثين بس لايغرتس أسابق التيوس ولوني أشهب بس الفازلين مايقصر وطولي مثل محمد هنيدي بس الكعب هلي لاتحرموني منه وشعري ليفه أخس من المكنسه بس ولاد الحرام ماسابوش لولاد الحلال حاقه اخترعوا الاستشوار قالت أقول لاتكملين أنتي موظفه قلت والله أبو جيرانا مواعد أبوي يشوف لي وظيفة معقبة قالت أجل اسمعي عندي لتس ثلاثه لاسابع لهما
واحد يبيتس مسياروترى ماعنده لتس سكن ولاهوب جايتس الاربوع وخميساستراحه مهوب مره
وعندي واحد مهوب يدخن الا اذا سكر ولاهوب يسكر الا اذا حشش ولاهوب يحشش الااذا .........بس انه رجال وماتهمه المواصفات اهم شي بنت الحلال <<<<<<<<<<<<<يعني هو متربي أحسن تربيه
وعندي لتس واحدن فالخمسينات أجودي وماعليه بس ان مرته مهيب تجيب عيال ويبي ياخذتس عليها>>>>>>>>بصريح لعباره بياضه ويبي يحر مرته ان العيب فيها
قلت لابوتس لاابو من يطلب العرس والله ان التسدح فحوشنا وغوانتنامو البيت أهون من رجالن يهبل بي تالي عمري
وعدت للزولية الخضراء أجر أذيال الهزيمه
مايستفــــــــــــــــاد مما سدح:
الصيف فحوشنا أحلى <<<<<<<<<<<<<<العجوز القشرا
للأسف هذا الواقع شبابنا ماعاد يبون العرس واذا اغتلقوا المسيار فاتح الباب زواج وببلاش وأكود ماعليه يدخل بصينية كنافه كل اسبوعين
من ضاقت عليها أنصحها تشتغل خطابه وظيفه دخلها ذهب لا والناس تجيك وانت فبيتك
الحين مايمدي تقولين بنت ناس وحموله قولي رصيدي في البنك كذا ولا ماتشمين العرس طول عمرتس
ترى العنوسه مهيب شينه أهم شي الاخلاق وحب الوطن
موضوع: أنا وحوشنا والخطابه ....الحلقه الأخيره!!! 
الأربعاء مايو 07, 2008 10:53 am
